حوار صحفي خاص بجريدة بريق لدعم المواهب تحت اشراف صوت الليل يوسف عيسي
اسمك؟
-أية ربيع سعد ابراهيم
عمرك؟
-18سنة
بلدك؟
-المنيا
إيه هي موهبتك؟
-قارئة قرآن
كم كان عمرك عندما اكتشفتها؟
-10سنوات
من الذي اكتشفها؟
-معلميني في مدرسة القران الكريم
كيف كانت بدايتك وهل واجهت
المصاعب؟
-بصراحه أنا ابتديت ف إذاعة المدرسة الابتدائيه وكنت بواجه صعوبات من زمايلي لأننا علطول كان في تحديات مين صوته افضل والحمد لله كنت بكسب على طول بشهادة كل المدرسه بعدين بقيت مميزه لدى مدرسيني ف المدرسه حتى بعد م دخلت المرحله الاعداديه كنت أنا المسؤوله طوال فترة ال3 سنين عن قراءة القرآن الكريم أو الاناشيد .
خلينا نتخيل أن موهبتك العظيمه دي هي طفلتك المدلله
قلنا ازاي بتتعامل معاها عشان تنميها ؟
-انا بحافظ عليها لاني دايما بحب اقرب لربنا ولأن دي حاجه أنا بفتخر بيها قدام اي حد سواء من اهلي أو اصدقائي أو الناس بشكل عام دايما بقرأ قران والحمد لله مواظبة على كده .
وإزاي بتحميها من العقبات اللي بتواجهك زي المُحبطين أو الكسل وغيرها من العقبات؟
-بفكر نفسي دايما أن دي حاجه كويسه وانا احسن من غيري ب كتير ربنا انعم عليا بموهبة الصوت ف أنا استخدمتها بشكل صحيح وهي اني استخدمتها في تلاوة القرآن الكريم وده شرف ليا
هل في يوم حد قالك إن أنت مش موهوب أو وجهلك كلام خلاك تحس للحظه إنك مش موهوب؟
-بصراحه لا لأن كلهم معترفين بجمال صوتي
هل كان المجتمع اللي حواليك بيحبوا موهبتك وبيشجعوك ؟
-اه واكتر حد هو اخويا الكبير
إزاي قدرت تتخطى كُل صعوباتك اللي واجهتها ؟
بقيت أطور من نفسي اكتر واسمع لقراء اكتر لحد م حسنت من صوتي
_
ومن هو أهم داعم ليك؟
-
اخويا
كلمني عن قدوتك أو شخصك المُميز في هذا المجال اللي كان مصدر الهامك ؟
-الشيخ عبد الباسط عبد الصمد كنت بحب اسمعه اوي وكنت دايما اتمنى ابقى زيه
قولنا عن امنيتك اللي بتحاول إنك تحققها في مجالك ؟
-ان صوتي يوصل للعالم كله
لكل فن رساله إيه هي رسالتك اللي بتتمنى إنك توصلها للعالم؟
_ان ربنا لما ينعم عليك بنعمة معينه دور على استخدامها الصحيح عشان ربنا يكرمك ويباركلك فيها ويحفظها من الزوال كن مع الله يكن معك ❤️
لو طلبت منك إنك تقولي نصيحه لنفسك هتقولي اي؟
-انصح نفسي ب اني اواظب على حفظ القران الكريم ومسمعش لاي انتقادات تتوجهلي ف يوم من الايام
بتحب تقول موقف حصلك واثر فيك في مجالك أو كلمه تكون مصدر تشجيع لأي شخص يمتلك الموهبه ؟
-الموقف اللي اثر فيا أن طابور المدرسه مكنش بيبتدي غير بوصولي للمدرسة عشان افتتح اليوم بقراءة القرآن بصوتي ومدير المدرسة اول م ابتدي اقرأ كان يطلع من مكتبه يقف جمبي وعلطول كان يشجعني وبعد م كنت اخلص الاذاعه في واحد اسمه عمي رضا فاتح سوبر ماركت جمب المدرسة يوميا يبعتلي مع صحابي علبة حلاوه هديه لان كان بيحب يسمع تلاوتي للقران وكان يدعيلي ربنا يحفظني ويتمنالي النجاح دايما ف دايما وجه نظرك للطريق الصحيح عشان ربنا يحبك ويحبب فيك من السماوات والأرض
#بريق_Bariq
#جريدة_بريق_لدعم_تحت_اشراف_صوت_الليل_يوسف_عيسي
#بريق_المواهب_لدعم_تحت_اشراف_صوت_الليل_يوسف_عيسي
#صوت_الليل_يوسف_عيسي
#جريدة_بريق_المواهب_لدعم_المواهب
إرسال تعليق
اكتب تعليق ودعم المواهبه